ქალაქის განვითარებაში შეტანილი წვლილისთვის „ღვაწლმოსილი ქუთაისელის საპატიო სიგელი“ სამ დამსახურებულ პიროვნებას გადაეცა.
მხატვარ დიზაინერ ვახტანგ დვალიშვილს, ექიმ მურმან ბანძელაძეს და ინჟინერ კონსტანტინე კოკელაძეს შოთა მურღულიამ სიგელები გადასცა და ქალაქის განვითარებაში შეატანილი წვლილისთვის მადლობა გადაუხადა.
„პატივგების კომისიამ გადაწყვიტა დამსახურებული ქუთაისელებისთვის საპატიო სიგელები გადაეცა, ამ ხალხს დიდი წვლილი მიუძღვის ქალაქის განვითარებაში. ჩვენ შეძლებისდაგვარად გვერდით დავუდგებით ამ ადამიანებს“- განაცხადა ქუთაისის მერმა შოთა მურღულიამ.