დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
მოქალაქეებს დაუბეგრავი მინიმუმი 2015 წელსაც დაუბრუნდებათ
2014/10/16 12:12:13

მოქალაქეებს დაუბეგრავი მინიმუმი 2015 წელსაც დაუბრუნდებათ. ფინანსთა სამინისტროს ინფორმაციით, დაუბეგრავი მინიმუმის თანხა უკან 470 ათასზე მეტ მოქალაქეს დაუბრუნდა და თანხის ოდენობა ჯამში 131 მლნ ლარზე მეტს შეადგენს. როგორც უწყების პრესსამსახურში  აცხადებენ, დაუბეგრავი მინიმუმის დაბრუნება 2015 წელსაც განხორციელდება.


გადასახადების ადმინისტრირებისშესახებ" საქართველოს ფინანსთა მინისტრის 2010 წლის 31 დეკემბრის №996 ბრძანებით, განსაზღვრულია ფიზიკური პირის მიერ ხელფასის სახით მიღებული დასაბეგრი შემოსავლიდან დაუბეგრავი მინიმუმის გამოქვითვის და თანხის დაბრუნების წესი (მუხლი 392). 

 

2015 წელსაც დაუბეგრავი მინიმუმის დაბრუნება განხორციელდება ზემოაღნიშნული რეგულაციებით განსაზღვრული წესითა და პირობებით. ამასთან, ისევე როგორც 2014 წელს, 2015 წელსაც ბიუჯეტის შემოსულობების დაგეგმვა ხორციელდება დაუბეგრავი მინიმუმის სახით დასაბრუნებელი თანხის გამოკლებით. როგორც იყო მიმდინარე წელს: თუ პირის მიერ 2014 წელს მიღებული დასაბეგრი ხელფასი არ აღემატება 6000 ლარს, უფლება ექნება 2015 წელს გამოქვითოს დაუბეგრავი მინიმუმი 1800 ლარი და მოითხოვოს აღნიშნულზე გადახდილი შესაბამისი საშემოსავლო გადასახადის თანხის დაბრუნება. კერძოდ, თუ პირის მიერ 2014 წელს ხელფასის სახით მიღებული შემოსავალი 1800-დან 6000 ლარია, მოცემულ შემთხვევაში, უფლება ექნება დაიბრუნოს 360 ლარი, ხოლო თუ 1800 ლარამდეა, მოცემულ შემთხვევაში, დაბრუნებას ექვემდებარება კონკრეტული თანხის 20 პროცენტი. ისე როგორც მიმდინარე წელს, 2015 წელსაც მოსახლეობას დამატებით ეცნობება როდიდან ექნებათ საშუალება შეავსონ ელექტრონული დეკლარაცია შემოსავლების სამსახურის ვებ-გვერდზე. პირის მიერ წარდგენილი დეკლარაცია მისპირადი აღრიცხვის ბარათზე აისახება ავტომატურად, დეკლარაციის რეგისტრაციის დღეს რის შემდეგაც, თანხის დაბრუნების მიზნით 3 თვის ვადაში, საგადასახადო ორგანო სახაზინო სამსახურს უგზავნის შესაბამის საგადახდო დავალებას, რომელიც სრულდება 10 სამუშაოდღეში", - აცხადებენ ფინანსთა სამინისტროში.

 

წყარო: cr.ge

 

'.$TEXT['print'].'
სულ ნანახია - 2339
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია