უსახლკაროდ დარჩენილი ადამიანები, ქუთაისში, თავს ქალაქის ბაღებსა და სკვერებს აფარებენ.
40 წლის დავით ტოგონიძე, უკვე რამდენიმე თვეა, ღამეს ქუთაისის მოსწავლე-ახალგაზრდობის პარკში ათენებს.
მის მდგომარეობას ისიც ართულებს, რომ ის C ჰეპატიტითაა დაავადებული და მძიმე მდგომარეობაშია. ტოგონიძე 2012 წელს ამნისტირებულია.
როგორც პარკის დირექტორის მოადგილემ, მამუკა ხაბურძანიამ P.S.სთან საუბარში განაცხადა, მათ დახმარებისათვის რამდენჯერმე მიმართეს სხვადასხვა სამსახურებს, მაგრად ტოგონიძეს ქმედითი დახმარება ვერავინ აღმოუჩინა. მისი თქმით, მოსწავლე-ახალგაზრდობის პარკს თავს კიდევ რამდენიმე უსახლკაროდ დარჩენილი ადამიანი აფარებს.
პარკის დირექცია თხოვნით მიმართავს შესაბამის სამსახურებს და საქველმოქმედო ორგანიზაციებს და უსახლკარო ადამიანებისათვის დახმარებას ითხოვს.