ლეიკემიით დაავადებულ ბავშვთა დასახმარებლად „გაიღე სისხლი, გადაარჩინე სიცოცხლე” იაშვილის სახელობის ბავშვთა კლინიკის „ სისხლის ბანკის ,, მიერ ორგანიზებულ აქციაში ზესტაფონის მუნიციპალიტეტი აქტიურად ჩაერთო.
სისხლის გაღების მსურველები დილის 10 საათიდან შეიკრიბნენ ლეიკემიით დაავადებულ ბავშვთა მხარდასაჭერად. აქციაში გამგეობის თანამშრომლებთან ერთად, რიგითი ადამიანებიც მონაწილეობდნენ. აქციასთან დაკავშირებით, ასევე ჩატარდა უფასო სისხლის გამოკვლევაც.