დავით დარჩიაშვილი ხელისუფლებას ანტისახელმწიფოებრივ ქმედებებში ადანაშაულებს: „ აი, სახელმწიფოებრიობის არ ცოდნის ორი ნიშანი - განმარტავს დარჩიაშვილიpsnews.ge-სთან საუბარში - ერთი, არ აინტერესებთ სახელმწიფო ინსტიტუტების ფუნქციონირება, მათთვის მთავარია „კაიბიჭობა“ და ვინ ვისი ნათესავია . მეორე - სახელმწიფო ესმით რაღაც კლიშეებით და რეგულაციებით, რომელიც სიკეთის მაგივრად, გაართულებს ცხოვრებას და კორუფციის ახალ არხებს ხსნის“- დარჩიაშვილს ამის მაგალითად სავიზო რეჟიმთან და ფარმაცევტულ ბაზარზე შექმნილი ცვლილებები მოჰყავს.
„ ძველ, ხავსმოკიდებულ სახელმძღვანელოებში რაღაც წერია ვიზების რეჟიმზე და იმას მიადგნენ და სტრატეგიებს წერენ, რომ გაურთულონ ადამიანებს მისვლა-მოსვლა, მათ შორის, ევროპის სახელმწიფოების მოქალაქეებს“
ოპოზიციონერი პარლამენტარის თქმით, წინა ხელისუფლების დამსახურებაა ქვეყანაში ტურიზმის განვითარება, „ახლები“ კი ამ საქმით ხელის მოთბობას ამჯობინებენ: “ქვეყანაში ტურიზმის დიდი ნაკადია, წლები დასჭირდა ამის ძალისხმევას და ჯერჯერობით ვერ ჩაიფარცხება, თუმცა, სახელმწიფოს შემოსავლები არ იზრდება. ეს ნიშნავს, რომ ჩრდილში მიდის რაღაც შემოსავლები, ხელიდან ხელში ხდება გარიგებები - ეს არის კორუფცია“.
პარლამენტარის თქმით, ქვეყანაში გართულებული კრიმინალურ ფონი, შესაძლოა, ტურიზმზეც ცუდად აისახოს. მისი თქმით, ქვეყანას სამარცხვინო შსს მინისტრი ჰყავს, რომელსაც გადადგომოსაკენ მოუწოდებს - „ვინ არის ჭიკაიძე? ეს ადამიანი იყო ოპერატიული მუშაკი, რომელიც პატიმარს იბამდა ხელზე ხელბორკილით, ვერ ლაპარაკობდა, დღესაც ვერ ლაპარაკობს, მაგრამ მინისტრია, მას რომ ჰქონდეს მოქალაქეობრივი განცდა, თვითონ გადადგებოდა“- განაცხადა დარჩიაშვილმა.