დღეს ქუთაისის მეხუთე მოწვევის საკრებულო პირველ სხდომას გამართავს. დეპუტატების ნაწილისთვის ეს პირველი საკრებულო მანდატია, ნაწილი კი ძველ სავარძელს დაიკავებს.
ახალი მოწვევის საკრებულო 5 პარტიულია. საკრებულო 25 წევრიანია. 25მანდატიდან ადგილობრივი თვითმმართველობის არჩევნების შედეგებით საკრებულოში „ქართული ოცნების“ სახელით 18 დეპუტატი მოხვდა, 4 წევრით არის წარმოდგენილი“ნაციონალური მოძრაობა“, რაც შეეხება „ნინო ბურჯანაძე–გაერთიანებულ ოპოზიციას“, „ლეიბორისტულ“ პარტიას და „პატრიოტთა ალიანს“ საკრებულოში თითო წევრით არიან წარმოდგენილი.
დღესვე უმრავლესობა საკრებულოს და კომისიის თავმჯდომარეებს აირჩევს. საკრებულოს თავმჯდომარის პოსტზე დავით დვალის და ნატო ქათამაძის კანდიდატურები მოისაზრებოდა, თუმცა დეპუტატები ამ დრომდე თავმჯდომარის პოსტზე მათ არჩევას არც უარყოფდნენ და არც ადასტურებდნენ.