„საქართველოს პატრიოტთა ალიანსის“ ქუთაისის შტაბში არჩევნების შედეგები შეაფასეს. პარტიის ქუთაისის პროპორციული სიის პირველი ნომრის, დავით ჯანაშიას განცხადებით, იმ დარღვევების და შანტაჟის ფონზე, როგორც არჩევნები მიმდინარეობდა, პარტიის შედეგები მათთვის მისაღებია.
„პატრიოტებიდან" ქუთაისის საკრებულოში მხოლოდ სიის პირველი ნომერი შევა.
„ჩვენ დარწმუნეული ვართ, რომ გაცილებით მეტი ხმა მივიღეთ, ჩვენი პოლიტიკური ძალა გასულია მეორე ადგილზე, მაგრამ ჯერჯერობით ამის დაფიქსირებას ვერ ვახდენთ. იმის გათვალისწინებით, რომ ჩვენი პოლიტიკური ძალა პირველად მონაწილეობს არჩენვებში, კმაყოფილი ვართ შედეგებით," - აცხადებს დავით ჯანაშია.
წინასწარი მონაცემებით, „პატრიოტთა ალიანსს“, არჩევნების შედეგების მიხედვით, საქართველოს მასშტაბით, საკრებულოს წევრები 22 მუნიციპალიტეტში ეყოლება.