ჭიათურის 56–ე ოლქის 22–ე უბანზე კურიოზული შემთხვევა მოხდა, რომელმაც არჩევნების პროცესს  საფრთხე შეუქმნა.

საუბნო კომისიის თავმჯდომარე ისე უფრთხილდებოდა საარჩევნო ბეჭედს, რომ იგი ტუალეტში წასვლის წინაც კი არავის ანდო.

თუმცა, ზედმეტი სიფრთხილეც ზოგჯერ უარესიაო და ვაჭევის უბნის კომისიის თავმჯდომარესაც ასე დაემართა: მას საარჩევნო ბეჭედი, რომელიც უბნის გახსნის და დახურვის დროს გამოიყენება მხოლოდ, ტუალეტის საკანალიზაციო მილში ჩაუვარდა.

აღნიშნული ფაქტი რედაქციას ჭიათურის 56–ე ოლქის კომისიის თავმჯდომარემ, მამუკა სამხარაძემაც დაუდასტურა.

ამ ფაქტთან დაკავშირებით შედგა შესაბამისი აქტი და საოლქო კომისია ახალ ბეჭედს გადასცემს 22–ე უბნის კომისიის თავმჯდომარეს, რათა 8 საათისთვის უბნის დახურვა კანონის სრული დაცვით მოხდეს.