ალბათ ყველას გახსოვთ, როდესაც ''რეიტინგში'' რამდენიმე ნომრის წინ ქუთაისელ ლამაზმან ეკა ქუთათელაძის ინტერვიუ დაიბეჭდა. ეკა 30 წლის გახლავთ და შვილთან ერთად მშობლებთან ქუთაისში ცხოვრობს.

სწავლობდა თბილისის უნივერსიტეტში და მეორე კურსზე იყო, როდესაც დედაქალაქში გათხოვდა. ბავშვის შეძენის შემდეგ სამოდელო კარიერა ვეღარ გააგრძელა, არადა, დიდ მომავალს უწინასწარმეტყველებდნენ.

კარიერის მოულოდნელად დასრულების შემდეგ მალე მეუღლეს დაშორდა და საცხოვრებლად მშობლიურ ქალაქს მიაშურა. დაახლოებით ორი წელია, რაც მოდის სამყაროში ისევ დაბრუნდა, ოღონდ ქუთაისში, მანანა გოგლიჩიძის მოდის სახლში. ეკა სოციალურ ქსელში განსაკუთრებულად პოპულარულია და ანჯელინა ჯოლის ამსგავსებენ.

ახლახან თბილისში პირველად ჩატარდა კონკურსი ''მისის პლანეტა'' დაოჯახებული, ქვრივი და განქორწინებული ქალბატონებისთვის. მონაწილეთა ასაკი 18-40 წლამდეა. გამარჯვებული ეკა ქუთათელაძე გახდა და ბულგარეთში ივნისის ბოლოს გაემგზავრება, სადაც ფინალზე საქართველოს წარადგენს.

ეკა ქუთათელაძე:

- საქართველოში პირველად ჩატარდა ეს კონკურსი. ჟიურიში დალი ჩიტალაძე, აჩიკო მეფარიძე, ზალიკო ბერგერი, მარკუს მეტრეველი, მანანა გოგლიჩიძე, შოთიკო ბოჭორიშვილი და სხვანი იყვნენ. კრისტი ყიფშიძეც უნდა ყოფილიყო, მაგრამ სიცხე ჰქონდა. ჟიურიმ ერთხმად შემარჩია. არასოდეს მქონია კონკურსებში მონაწილეობის სურვილი. გამარჯვებას ველოდებოდი, მაგრამ ჩემთვის მაინც მთავარია, მსოფლიო ფინალზე რას ვიზამ. თან ამ კუთხით არ მაქვს გამოცდილება. არ ვიცი, იქ რა ასაკის ქალბატონები დამხვდებიან. საქართველოში ყველაზე უფროსი მე ვიყავი. 

- კონკურსზე საკმაოდ თამამი კაბით გამოხვედი.

- დიახ, თუმცა ცუდი გამოხმაურება არ მოჰყოლია. ყველას ძალიან მოეწონა (იცინის).

წყარო: http://www.geworld.ge/