არასამთავრობო ორგანიზაცია „ასა“ ადგილობრივი თვითმმართველობის ახალი კოდექსის შესახებ საზოგადოებისა და ჟურნალისტების ინფორმირებას აგრძელებს.
დღეს ასა-ს წევრებმა შეხვედრა ჟურნალსიტებთან გამართეს. ორგანიზაციის თავმჯდომარემ ზაზა ხელაძემ საზოგადოებრივი აზრის ერთ-ერთი ბოლო გამოკითხვის შედეგები წარმოადგინა.
როგორც კვლევებით ჩანს თვითმმართველობის კოდექსის და ზოგადად თვითმმართველი ქალაქების ფუნქციისა და დანიშნულების შესახებ საზოგადოების ინფორმირებულობა დაბალია.
არასამთავრობო ორგანიზაცია ახალი პროექტის „მივიტანოთ ადგილობრივი თვითმმართველობის კოდექსი ქუთაისლებამდე“ ფარგლებში არჩევნების დასრულების შემდეგ 1000 რესპონდენტის გამოკითხვას გეგმავს. გამოკითხვა ერთ თვეს გაგრძელდება და არჩევნების პროცესს, პოლიტიკური პარტიების და დამოუკიდებელი კანდიდატების საარჩევნო პროგრამების შეფასებას გულისხმობს.
რისი დასრულების შემდეგაც ორგანიზაცია კველვის შედეგებს საზოგადოებას გააცნობს.