ქუთაისის დემოკრატიული ჩართულობის ცენტრში, მედიის განვითარების ფონდმა გამოფენა გამართა სახელწოდებით: "ქალები წარსულიდან-მაგალითი მომავლისთვის".
გამოფენაზე წარმოადგინეს საქართველოს დემოკრატიული რესპუბლიკის დამფუძნებელი კრების წევრი ქალების, ასევე სხვა ისტორიული პირების (მარიამ გარიყული, ეკატერინე გაბაშვილი, კატო მიქელაძე, ნინო ყიფიანი, ბარბარე ყიფიანი და სხვა) საზოგადოებრივი აქტივობის ამსახველი ექსპონატები.
"ჩვენ შევისწავლეთ მე-19 მე-20 საუკუნის მედია და იმ დროინდელი ქალების როლი პოლიტიკაში, შევეცადეთ ექსპონატებით გაგვეცოცხლებია მათი მოღვაწეობა. ჩვენი მიზანია, რომ ვაჩვენოთ გენდერული თანასწორობის იდეა არ არის უცხო საქართველოსთვის,"-განაცხადა მედიის განვითარების ფონდის გამგეობის თავმჯდომარემ თამარ კინწურაშვილმა.
პროექტი ქუთაისში, საარჩევნო სისტემის განვითარების, რეფორმებისა და სწავლების ცენტრის მხარდაჭერით ხორციელდება.