ქუთაისის მერობის კანდიდატმა „ბურჯანაძე-ერთიანი ოპოზიცისთვის“ თემურ შაშიაშვილმა დღეს საკუთარ სახლში ბრიფინგი გამართა და სამომავლო გეგმებსა და პროექტებზე ისაუბრა.

„მივიღე გადაწყვეტილება წარდგენა შაშიაშვილების საგვარეულო სახლიდან მომხდარიყო, რადგან ამ სახლის გარდა არაფერი გამაჩნია. სწორედ ამ სახლიდან ვდებ პირობას, რომ გამარჯვების შემთხვევაში ქუთაისს ინტელექტუალური ბიზნესის ცენტრად და საუნივერსიტეტო ქალაქად ვაქცევ“-განაცხადა შაშიაშვილმა.

თემურ შაშიაშვილი ქუთაისის მერიის ბიუჯეტსაც შეეხო და აღნიშნა, მმართველი გუნდი „ნაციონალებზე“ მეტ თანხებს ხარჯავს არამიზნობრივად. მან ასევე პირობა დადო, რომ გამარჯვების შემთხვევაში მერიის თანამშრომლებს და მაღალჩინოსნებს ჩამოართმევს ავტომობილებს და აიძულებს იარონ ფეხით, ავტობუსისთ და ველოსიპედით. საშიაშვილის განცხადებით, აღარ გაიცემა პრემიები.