ქუთაისში, არასამთავრობო ორგანიზაცია ,,ტურიზმი და რეალობას“ ოფისში პროექტის ,,იმერეთის ტურისტული პოტენციალის განვითარება და ადგილობრივი ტურისტული ბაზრის მხარდაჭერა“ პრეზენტაცია გაიმართა.
შეხვედრა გახსნა პოლონური ორგანიზაციის განვითარების თანამშრომლობის საბჭოს წევრმა ედიტა ტუკმა.
აღნიშნული პროექტი თანადაფინანსებულია პოლონეთის საგარეო საქმეთა სამინისტროს მიერ პოლონური განვითარების თანამშრომლობის პროგრამის ფარგლებში.
ედიტა ტუკის თქმით, პროექტი მარტის თვეში დაიწყო, მაგრამ ანალიზი გასული წლის სექტემბერში გაკეთდა. იგი სავარაუდოდ შემოდგომას დასრულდება. პროექტის ფარგლებში, ქუთაისში 80 სტუდენტი გაივლის დაგამზადებას. საიდანაც, 40 გიდის განხრით და 40 ტურიზმის ბიზნესის კუთხით გადამზდდება.
"ჩვენი პროექტის ძირითადი მიზანი არის იმერეთის 12 რეგიონში არსებული ტურისტული პოტენციალის გამოკვლევა, რასაც სპეციალურად შექმნილი მკვლევართა ჯგუფი შეისწავლის, შემდეგ კი შეიქმნება მონაცემთა ბაზა და ნებისმიერ ტურისტს ექნება სრული ინფორმაცია თუ სად წავიდეს. ჩვენ გადავამზადებთ ქუთაისელ სტუდენტებს და ხელს შევუწყობთ პროფესიონალებად ჩამოყალიბებაში. "-განაცხადა ედიტა ტუკმა.
აღნიშნულ ღონისძიებას დაესწრო ქუთაისის საინფორმაციო ცენტრის, ტუროპერატორების: ,,ბაგრატი 1003“, იმერეთის ტურიზმისა და კურორტების რეგიონალური ასოციაცია "იმერტური"-ს, "კოლხიტური"-ს, შპს „გალანტრეველი“-ს ხელმძღვანელი პირები. ტურისტული კომპანიების, სასტუმროების, ასევე უმაღლესი სასწავლებლების (აკაკი წერეთლის სახელმწიფო უნივერისტეტი, ქუთაისის უნივერსიტეტი) წარმომადგენლები და სტუდენტები.
პროექტის მეორე ეტპი, როგორც ცნობილი გახდა, აგვისტოს შუა რიცხვებში გაიმართება, ხოლო საბოლოო სახეს სავარაუდოდ შემოდგომას მიიღებს.