ქუთაისში ქართველი იუნკერის, საქართველოსა და პოლონეთის დამოუკიდებლობისთვის მებრძოლის, პოლონური ლიტერატურის მთარგმნელისა და ქართული დიასპორის თვალსაჩინო წარმომადგენლის პოლკოვნიკ ვიტალი უგრეხელიძისადმი მიძღვნილი ღონისძიება სახელწოდებით „ ქუთაისიდან ლონდონამდე “ გაიართა.

ღონისძიება ახალგაზრდული საინიციატივო ჯგუფის ხელმძღვანელის შალვა კამლაძის ორგანიზებით გაიმართა. მასში ქუთაისის სხვადასხვა საჯარო სკოლის მოსწავლეები მონაწილეობდნენ. ბავშვებმა პოლონელი მწერლის ადამ მიცკევიჩის ნაწარმოებიდან, (რომელიც ვიტალი უგრეხელიძემ თარგმნა ქართულად) ნაწყვეტები წაიკითხეს.

ღონისძიებას ვიტალი უგრეხელიძეის ძმისშვილები: თბილისის მერის მოვალეობის შემსრულებელი სევდია უგრეხელიძე და მინდია უგრეხელიძე ესწრებოდნენ.

როგორც სევდია უგრეხელიძემ აღნიშვა, მნიშვნელოვანია, რომ სახელოვანი პოლკოვნიკი ქუთაისში გაიხსენეს.

„5 აპრილს ვიტალი უგრეხელიძის ნეშტი სამშობლოში გადმოასვენეს და დიდუბის პანთეონში დაასაფლავეს. მთელი მისი ახალგაზრდობა დაკავშირებული იყო ქუთაისთან, აქ სწავლობდა. შემდეგ ის წავიდა და იბრძოდა პოლონეთის დამოუკიდებლობისთვის. მას იმდენად უყვარდა ქუთაისი, რომ ბავშვებს ზღაპრების ნაცვლად ქუთაისის ამბებს უყვებოდა. მიხარია, რომ მისმა თანამოქაალქეებმა დღეს კიდევ ერთხელ გაიხსენეს სახელოვანი იუნკერი“–განაცხადა სევდია უგრეხელიძემ.

დღეს  ვიტალი უგრეხელიძეს გარდაცვალებიდან 50 წელი შეუსრულდა.