ქუთაისის მერის მოვალეობის  შემსრულებელი შოთა  მურღულია და სოციალურ საკითხთა და იძულებით გადაადგილებულ პირთა სამსახურის უფროსის მოვალეობის შემსრულებლი ზურაბ მარგველაშვილი სახელმწიფო მზრუნველობიდან რეინტეგრირებული ბავშვების ბიოლოგიურ დედებს შეხვდნენ, ქალთა საერთაშორისო დღე მიულოცეს და საჩუქრები გადასცეს. დღეის მდგომარეობით ქუთაისში 8 ოჯახში  მზრუნველობიდან რეინტეგრირებული 9 ბავშვია.

1 იანვრიდან ქუთაისში ხორციელდება პროექტი, რომლის ფარგლებშიც სახელმწიფოს მიერ რეინტეგრაციისთვის თითო ბავშვზე გამოყოფილ 90 ლარს 200 ლრი დაემატება. შესაბამისად, ასეთი ოჯახები თითო ბავშვზე 290 ლარს მიიღებენ, აღსანიშნავია, რომ ასეთი პროექტი პირველად ქუთაისში ხორციელდება.

დღესვე სამოტივაციო ჯგუფმა „ახალგაზრდები ქუთაისისათვის“ ამ ოჯახებს შეგროვებული ტანსაცმელი გადასცეს საჩუქრად.