პოლიტიკის დაგეგმვისა და მართვის საერთასორისო უნივერსიტეტმა, ფონდ „ღია საზოგადოება – საქართველო“-ს ფინანსური მხარდაჭერით, განახორციელა პროექტი „უმაღლესი განათლებისა და მეცნიერების სტრატეგიული განვითარება საქართველოში“.
დღეს აკაკი წერეთლის სახელმწიფო უნივერსიტეტში ამ თემაზე საჯარო დისკუსია გაიმართა, სადაც განათლების პოლიტიკის დაგეგმვისა და მართვის საერთაშორისო ინსტიტუტის მიერ ჩატარებული კვლევების შედეგები წარადგინეს. პროექტის ფარგლებში უმაღლესი განათლების პოლიტიკის ანალიზის საფუძველზე ინსტიტუტმა დოკუმენტის სამუშაო ვერსიები მოამზადა შემდეგი სტრატეგიული მიმართულებების მიხედვით: უნივერსიტეტის ავტონომია და აკადემიური თავისუფლება, უმაღლესი განათლებისა და კვლევის დაფინანსება და ფინანსური მართვა, სწავლებისა და კვლევის ინტეგრაცია, უმაღლესი განათლება და დასაქმება, ხარისხის უზრუნველყოფა.
საბოლოო დოკუმენტში ასახული იქნება აკადემიური საზოგადოების, სტუდენტების, სახელმწიფო სტრუქტურების წარმომადგენლების და სამოქალაქო საზოგადოების მოსაზრებები.