შოთა ქურჩიშვილი... დღეს ეს სახელი და გვარი თითქოს არაფერს ეუბნება მკითხველს, მაგრამ 50-იანი წლების ქუთაისური ინტელიგენციისათვის იგი გახლდათ ერთი გამორჩეული, შინაგანი არტისტიზმითა და პიროვნული მომხიბვლელობით აღსავსე, ლამაზი თბილისელი ვაჟკაცი, რომელსაც ხშირად ხედავდნენ ვალიკო მიზანდარის გარემოცვაში და რომელიც რუდუნებით აჩუქურთმებდა არქიტექტორ შავიშვილის პროექტით აშენებულ, ლადო მესხიშვილის სახელობის თეატრის შენობის უმშვენიერეს კაპიტელებს.
ოცი წლის წინათ გაზეთ „ქუთაისის“ ფურცლებზე ვრცელი წერილი გამოვაქვეყნე, სადაც, საარქივო და დოკუმენტურ წყაროებზე დაყრდნობით, მესხიშვილის თეატრის მშენებლობისა და მოპირკეთების ისტორიაზე ვუამბობდი მკითხველს. პირველად მაშინ მოვიხსენიე, სხვებთან ერთად, შოთა ქურჩიშვილიც, ამ კაცის შესახებ მეტი ინფორმაცია არ მქონდა.
და, აი, ამდენი ხნის შემდეგ, ხმა მომაწვდინეს მისმა ახლობლებმა. სწორედ შოთა ქურჩიშვილის მეუღლისა და ცოლისდის - ვენერა და მადონა ჭეიშვილებისაგან შევიტყვე, რომ ჩემს მიერ ოდესღაც მოხსენიებული გვარ-სახელის უკან თურმე მეტად საინტერესო პიროვნება მდგარა (სამწუხაროდ, ამქვეყნიდან უდროოდ წასული).
- შოთა თბილისში, ვერაზე გაზრდილი კაცი იყო. ქუთაისი მისი დედულეთი გახლდათ, ამიტომ ბავშვობაც და ცხოვრების გარკვეული ნაწილიც აქ ჰქონდა გატარებული. მოგვიანებით მისი ოჯახი საერთოდ ქუთაისში დამკვიდრდა. დედმამისშვილებიდან ამჟამად მხოლოდ შოთას დაა ცოცხალი. ქალაქის საზოგადოება ქალბატონ თამარ დევაSეს იცნობს, როგორც ინგლისური ენის კვალიფიციურ სპეციალისტს და ღვაწლმოსილ პიროვნებას. - გვიამბობს შოთა ქურჩიშვილის მეუღლე, ქალბატონი ვენერა ჭეიშვილი, - ჩემი მეუღლე პროფესიონალი მხატვარი, მოქანდაკე გახლდათ. აკადემია გივი მიზანდართან ერთად ჰქონდა დამთავრებული, მასთან მეგობრობდა და ამ ოჯახის დიდი თაყვანისმცემელი იყო. შოთას უსაზღვროდ უყვარდა ვალიკო მიზანდარი. სხვათა შორის, როცა დავქორწინდით, პირველად სწორედ მიზანდარების ოჯახში მიმიყვანა და მას შემდეგაც არაერთხელ ვსტუმრებივართ. შოთას არამარტო წრფელი სულიერი მეგობრობა აკავშირებდა მიზანდარებთან, მას ბატონ ვალიკოსთან და გივისთან ერთადაც უკეთებია საქმე.
50-იან წლების დასაწყისში, როცა ქუთაისის თეატრის შენობის კეთილმოწყობა მიმდინარეობდა და შოთა კაპიტელების მოჩუქურთმებაზე მუშაობდა, იმ პერიოდში მე მას ჯერ კიდევ არ ვიცნობდი. მაგრამ, დაქორწინების შემდეგ, წყალტუბოდან (სადაც ჩვენ ვცხოვრობდით) მან საგანგებოდ წამომიყვანა და მაჩვენა თავისი ნამუშევარი - ულამაზესი ჩუქურთმები. იმაზე, რაც თაბაშირში იყო გასაკეთებელი და, საერთოდ, ტექნიკურ სამუშაოებზე თურმე ბრიგადა მუშაობდა, შოთა კი, როგორც პროფესიონალი მხატვარი და მოქანდაკე, ესკიზებს აკეთებდა და ჩუქურთმებს ქვაზე ჭრიდა. ვალიკო მიზანდარის, და თავისი სხვა მეგობრების გვერდით, იგი Sალზე აქტიურად იყო ჩართული თეატრის შენობის გამშვენიერების სამუშაოებში.
ქუთაისში რომ დაუმთავრებია ჩუქურთმების კეთება, მისი ნახელავით მოხიბლულ ქუთაისის ოლქის მაშინდელ ხელმSღვანელობას შოთა წყალტუბოს სანატორიუმების გასამშვენიერებლად მიუწვევია. იქ შოთას პირველი ნამუშევარი იყო სანატორიუმ „მეტალურგის“ ჩუქურთმები (სწორედ იმ პერიოდში გავიცანით და დავქორწინდით. მე წყალტუბოს სამთავრობო, ?3 აბაზანაში ვმუშაობდი ექთნად და კომკავშირის კომიტეტის მდივანიც ვიყავი). „მეტალურგის“ მხატვრულ სამუშაოებში მონაწილეთა ნაწილი ჩასული იყო, ნაწილიც - ადგილობრივი რუსები და, განსაკუთრებით, უკრაინელები (თერნალში ჩასახლებულნი ომის პერიოდში). აქაური სამუშაოების დასრულების შემდეგ, შოთას წყალტუბოს ხელმSღვანელობამ თავდაცვის სამინისტროს კუთვნილი სანატორიუმის ორი კორპუსის ჩუქურთმებისა და მცირე არქიტექტურული ფორმების შესრულება დაავალა.
წყალტუბოს სანატორიუმების მოჩუქურთმებაში შოთას დიდი წვლილი მიუSღვის, თუმცა, სიმართლე გითხრათ, უკვე აღარ შემიSლია ყველა დეტალის ზუსტად აღდგენა, ობიექტების ჩამოთვლა. ხშირად იყო მივლინებებით რაიონებშიც, სადაც მას ხან ქანდაკების შექმნა უწევდა, ხან - მცირე არქიტექტურული ფორმებისა. მივლინებებიდან ოჯახისადმი გამოგზავნილი მისი წერილები სავსე იყო არაჩვეულებრივი სითბოთი, აზრით, იუმორით. იგი, საერთოდ, შესანიშნავად წერდა, კალამიც უჭრიდა (სხვათა შორის, დაწერილი ჰქონდა ვრცელი ავტობიოგრაფიული პოემა „ნაჩუქარა“, რომელიც მის ნახატებთან და სხვა ნაწერებთან ერთად, მოგვიანებით ხანSარმა გაანადგურა). ახლა - რა ხელი ჰქონდა! „ვეფხისტყაოსნის“ გადამწერის ხელი!
შოთა ძალიან ინტელექტუალური, ღრმა ადამიანი გახლდათ, ამავე დროს - ფრიად არტისტული ნატურაც. საუცხოოდ მღეროდა და უკრავდა მრავალ ინსტრუმენტზე.
ჩვენ, როგორც მოგახსენეთ, წყალტუბოში ვცხოვრობდით. მაგრამ შოთას ყოველ უქმე დღეზე ჩამოვყავდი ხოლმე ქუთაისში: ვსეირნობდით ბულვარში, ვესწრებოდით თეატრალურ პრემიერებს, კონცერტებს, ახალ კინოფილმებს... შოთას ქუთაისში დიდი სამეგობრო ჰყავდა მწერლებს, ჟურნალისტებს, მხატვრებს, მსახიობებს, სხვა პროფესიის ადამიანებს შორის. ერთ მოსმენად ღირდა, ის, კოლია ნაჭყებია, ლადო კიკვაSე, პანტელეიმონ თენეიშვილი და სხვა მეგობრები სიმღერას რომ წამოიწყებდნენ სუფრასთან. სამეგობროს თავშეყრის მუდმივი პუნქტი იყო რესტორანი „განთიადი“. თუ შოთას მოSებნა გინდოდა, იქ უნდა მოგეკითხა.
შოთა გარეგნულად თითქოს რაჯ კაპურს ჰგავდა - საშუალო სიმაღლის, შავგვრემანი, Sალიან ლამაზი, ვაჟკაცური. ქალები პირდაპირ ჭკუას კარგავდნენ მასზე, მაგრამ, ნეტა, იცოდეთ, როგორი დელიკატური, რაინდული სულის ადამიანი იყო! მეუღლის უპირველესი მეგობარი და მესაიდუმლე! მასთან გატარებული წლები ჩემი ცხოვრების უბედნიერესი ხანაა.
სამწუხაროდ, ერთმა ტრაგიკულმა შემთხვევამ ჩვენს ბედნიერებას ბზარი გაუჩინა. შოთა თავისი მამაკაცური ღირსების დაცვას ემსხვერპლა - შედეგად, 8 წელი გაატარა ციმბირში... იქიდან დაბრუნებული, ღვინოს მიეSალა, თითქოს გულიც აუცრუვდა ცხოვრებაზე, 1971 წელს კი, გზად მიმავალს, მანქანა დაეჯახა და... 46 წლის ვაჟკაცი წუთისოფელს გამოეთხოვა. დღემდე არ ვიცით, მკვლელი ვინაა.
ამჟამად შოთას ოჯახი თბილისში ცხოვრობს. ჩვენი ვაჟი, იოსები, მხატვარ-არქიტექტორია. თბილისსა და მოსკოვში ჰქონდა გამოფენები, მხატვართა კავშირის წევრია. ჰყავს სამი ვაჟი - დავითი, ირაკლი, ნიკოლოზი... ბედნიერი ბებია ვარ, შესანიშნავი შვილიშვილები მყავს.
***
შოთა ქურჩიშვილის აწ უკვე ჭაღარა მეუღლემ სასოებით შენახული SველისSველი ფოტოსურათებიც გვიჩვენა. მხოლოდ ეს სურათებიღა ინახავს მხატვრის გარდასული ცხოვრების ანაბეჭდებს.
შოთა ქურჩიშვილი ქუთაისში, საფიჩხიის სასაფლაოზე, დედ-მამის - ნუცა კილაSისა და ალექსანდრე (საშა) ქურჩიშვილის გვერდით განისვენებს.
სხვათა შორის, მას სწორედ წელს შეუსრულდებოდა 80 წელი.
გაზეთ „P.S.“-ის არქივიდან, 2005 წელი. 25 - 29 ივლისი. №17 (331)