ახლახანს გავრცელდა ინფორმაცია, რომ გეგუთის კოლონიაში მოშიმშილე პატიმრებმა პროტესტის ნიშნად თვითდაზიანებები მიიყენეს და კოლონიიდან ათობით დაჭრილი პატიმარი საავადმყოფოებში გადაიყვანეს.

 topnews.com.ge-ს ინფორმაციით, ქუთაისის ინტერვენციული მედიცინის ცენტრში განაცხადეს,რომ  ბოლო ორი საათის განმავლობაში მათ საავადმყოფოში 3 პატიმარი გადაიყვანეს, დანარჩენი პატიმრები კი ქალაქის სხვადასხვა საავადმყოფოებშია მოთავსებული.

"ინტერვენციული მედიცინის ცენტრში შემოიყვანეს 3 პატიმარი, რომელბსაც აქვთ თვითდაზიანება მიყენებული, დასერილი აქვთ ხელები და ფეხები, მათი მდგომარეობა სტაბილურია,"- განაცხადა მკურნალმა ექიმმა.

შეგახსენებთ, რომ გეგუთის კოლონიაში 800-მდე პატიმარი მეოთხე დღეა შიმშილობს.