ბიძინა ივანიშვილი არასამთავრობო ორგანიზაცია „მოქალაქის“ პრეზენტაციაზე, რომელიც დღეს გაიმართა, ხუდონჰესის თემასაც  შეეხო. ის ენერგეტიკის მინისტრის კახი კალაძის მიერ გამოთქმულ ფრაზებზე: „მოსახლეობამ ხატზე კი არა,  ყურანზეც რომ დაადოს ხელი,  ხუდონჰესს მაინც ავაშენებთო,”- განმარტავს, რომ კალაძის მიერ გაკეთებულ კომენტარში,  ფრაზები იყო ამოგლეჯილი. ივანიშვილი აცხადებს, რომ ხაიშში ჩავა და მოსახლეობას შეხვდება, რადგან  ხუდონჰესის საკითხი  მგრძნობიარე თემაა.

ბიძინა ივანიშვილი, არასამთავრობო ორგანიზაცია „მოქალაქეს“ დამფუძნებელი: „თითოეულ მოსახლესთან საჭიროა საუბარი და არა ძალადობა, ძალიან ბევრი სვანი გადასახლდა სვანეთიდან, არც ახლაა პრობლემა. პროცესები არის რთული, მაგრამ მას გაგებით უნდა მოვეკიდოთ. ყველაფერი უნდა გავაკეთოთ იმისათვის, რომ  ქვეყნის მშენებლობას შევუწყოთ ხელი. ნორვეგიასა და შვეციაში ნახეთ, რა რაოდენობით ჰესებია? მაგრამ იქ პოზიტიურად არის გადაწყვეტილი ეს საკითხი. ხუდონჰესის საკითხი ტელევიზიით არ გადაწყდება, ამიტომ აუცილებლად ჩავალ ადგილზე და დაველაპარაკები მოსახლეობას“.