დღეს, თბილისსი, მოსკოვის გამზირზე მდებარე უსახლკაროთა თავშესაფარში მოხუცი ქალბატონი გარდაიცვალა. გარდაცვალების მიზეზად შიმშილი და ავადმყოფობა სახელდება.
თავშესაფრის მობინადრეების განმარტებით, მე–19 კარავში ქალბატონი პოლიციელებმა 30 დეკემბერს შეიყვანეს. მოხუცს ფსიქიური პრობლემები ჰქონდა და საჭმელს არ ჭამდა.
შრომისა და ჯანმრთელობის დაცვის მინისტრის მოადგილე კი სრულიად საპირისპირო ინფორმაციას ავრცელებს. მისი განცხადებით, მოხუცი ქალბატონი სრულიად ჯანმრთელი იყო და უცნობია, თუ რა გახდა მისი გარდაცვალების მიზეზი, რაც მხოლოდ ექსპერტიზის დასკვნას შემდეგ გაირკვევა.
– ქალბატონი თავშესაფარში შეყვანამდე სრულიად ჯანმრთელი იყო და რაიმე სერიოზული ჩივილები არ ჰქონია, მას ჩატარებული ჰქონდა სამედიცინო შმოწმება, ექსპერტიზა საბოლოოდ დაადგენს გარდაცვალების ნამდვილ მიზეზს – განაცხადა ჯანდაცვის მინისტრის მოადგილემ, დიმიტრი მახათაძემ.