ქუთაისის ყინულის მოედანზე სოციალურად დაუცველი პატარებისთვის საახალწლო ღონისძიება მოეწყო. საშობაო ზღაპარი სახელწოდებით „ყინულის დედოფალი“ პატარა მოციგურავეებმა წარმოადგინეს. საშობაო ზღაპრის დასრულების შემდეგ საციგურაო მოედანი ყინულის ჰოკეის მოთამაშეებმა დაიკავეს. სპეციალურად სოციალურად დაუცველებისთვის გამართული ღონისძიების დასრულების შემდეგ პატარებს ქალაქის მერიისგან სიმბოლური საახალწლო საჩუქრები გადაეცა. ღონისძიებას ქალაქის მერის მოვალეობის შემსრულებელი შოთა მურღულია და მერიის კულტურის სამსახურის წარმომადგენლები ესწრებოდნენ.