ქუთაისის მერის მოვალეობის შემსრულებელმა შოთა მურღულიამ მონპლაზირის თაღთან გამართულ წინასაახალწლო გართობაში მიიღო მონაწილეობა. მურღულიამ მონპლაზირის თაღთან არსებული საახალწლო ბაზრობაც დაათვალიერა და მოქალაქეებს დამდეგი ახალი წელი მიულოცა. ქალაქის მერიის ორგანიზებით გამართული ხელნაკეთი ნივთების გამოფენა-გაყიდვაზე დამთვალიერებელს სხვადასხვა ნივთებისა და სუვენირების შეძენა შეეძლო. საახალწლო ღონისძიების ფარგლებში მონპლაზირის ტერიტორიაზე სხვადასხვა გასართობი თამაშებიც მოეწყო. ქალაქის მერის მოვალეობის შემსრულებელი საახალწლო ბაზრობაზე ოჯახთან ერთად მივიდა.