ქუთაისის მერის მოვალეობის შემსრულებელმა შოთა მურღულიამ და იმერეთის გუბერნატორმა ზაზა მეფარიშვილმა ქუთაისის 10 დამსახურებულ ვეტერან სპორტსმენს დამდეგი შობა–ახალი წელი მიულოცეს და საჩუქრის სახით სასურსათო კალათა გადასცეს.
„ ჩვენ დღეს შევხვდით 10 ვეტერან სპორტსმენს, მივულოცეთ ახალი წელი და სიმბოლური საჩუქრები გადავეცით. ქალაქის ხელისუფლება ყოველთვის იზრუნებს და დააფასებს წარმატებულ სპორტსმენებს“,-განაცხადა შოთა მურღულიამ.
ვეტერან სპორტსმენებს დამდეგი ახალი წელი მიულოცა იმერეთის გუბერნატორმაც. ზაზა მეფარიშილმა მათ მადლობა გადაუხადა ქალაქის წინაშე ღვაწლისთვის და წარმატებები უსურვა.
დამსახურებული სპორტსმენების განცხადებით, მერის და გუბერნატორის ყურადღება და სიმბოლური საჩუქრები მათთვის მნიშვნელოვანია.