გიგი უგულავა მთავარი პროკურორისთვის უფლებამოსილების შეჩერებას მოითხოვს
გიგი უგულავამ რუსთავი2-ის პირდაპირ ეთერში რამდენიმე წუთის წინ საგანგებო განცხადება გააკეთა და საქართველოს მთავარი პროკურორის, ოთარ ფარცხალაძის ნასამართლევობის შესახებ ინფორმაცია გაავრცელა. უგულავამ დაასახელა კონკრეტული სისხლის სამართლის საქმის მონაცემები გერმანიის სისხლის სამართლის კოდექსის მიხედვით, რომლის თანახმადაც ოთარ ფარცხალაძე ყაჩაღური ქურდობისთვის იხდიდა სასჯელს:
„2001 წელს გასამართლებულია გერმანიის სისხლის სამართლის კოდექსის 249 და 245 მუხლებით ყაჩაღური ქურდობისათვის. მიესაჯა პირობითი პატიმრობა 1 წელი და ერთი თვე. მას შეეზღუდა პასიური საარჩევნო უფლება და გარკვეული თანამდებობის დაკავება, ეს შეზღუდვა ძალაშია 2016 წლამდე. განაჩენი 2001 წლის 14 მარტს შევიდა ძალაში“, - განაცხადა გიგი უგულავამ და იუსტიციის მინისტრს საქმის გერმანიიდან გამოთხოვა, ხოლო მანამდე ოთარ ფარცხალაძის თანამდებობიდან ჩამოშორება მოსთხოვა.