უამინდობა ქუთაისში რამდენიმე უბანში ელექქტრო ენერგიის გათიშვა გამოიწვია, რის გამოც ტექნიკური პრობლემები შეიქმნა ბაღსა და სკოლებში. მიუხედავად უამინდობისა ბაღებსა და სკოლებში სასწავლო პროცესის შეჩერება არ იგეგმება.
"რამდენიმე უბანში ელექტროენერგიასთან დაკავშირებით ტექნიკური პრობლემები შეიქმნა, მაგრამ ახლა მოგვეწოდება დენი. რამდენიმე მშობელმა, იმის გამო, რომ დროებით გაითიშა ელექტროენერგია, ბავშვი სახლში წაიყვანა, ზოგიერთი ბავშვი თოვლის გამო არ გამოცხადდა ბაღში. თუმცა, ცხადაია, ეს არ ნიშნავს პროცესის ჩაშლას. პირიქით, საახალწლო ღონისძიებები გვაქვს და აქტიურად ვემზადებით “,-ამბობს ქუთაისის ბაღების აიპი გაერთიანების ხელმძღვანელი მაია პაქსაძე.
თოვლის გამო სასწავლო პროცესის შეჩერებას გამორიცხავს ქუთაისის განათლების რესურსცენტრის ხელმძღვანელი ბადრი ვაშაკიძეც. მისი თქმით, რამდენიმე სკოლაში ელექტროენერგია დროებით გაითიშა, რის გამოც დაწყებითი კლასის მოსწავლეები სახლში გაუშვეს.
ამ დროისთვის მიმდინარეობს აღდგენითი სამუშაოები, რის შემდეგაც სასწავლო პროცესი განახლდება.