ქუთაისის საკრებულოს საკონკურსო-საატესტაციო კომისიის თავმჯდომარის ყოფილი მოადგილე ამავე კომისიის  წევრებს მოუწოდებს  კომისია დატოვონ. მღვდელაძე აცხადებს, რომ იმ კომისიის მუშაობა,  რომელიც გოჩა თევდორაძესთან ასოცირდება, საზოგადოების ნდობით ვეღარ ისარგებლებს.  მისი თქმით, კარგი იქნება თუ კომისია თავიდან დაკომპლექტდება და მასში დაგამწყვეტი როლი „პატრიოტებს“ აღარ ექნება.

„პიროვნულად არ ვუპირისპირდები არც ერთ პატრიოტს, მაგრამ მიმაჩნია, რომ კომისიაში მათ გადამწყვეტი ხმა არ უნდა ჰქონდეთ და ის  აღარ უნდა ასოცირდებოდეს გოჩა თევდორაძესთან. მოვუწოდებ დანარჩენ წევრებსაც დატოვონ კომისა“,-აცხადებს psnews.ge-სთან საუბარში  მამუკა მღდელაძე, რომელმაც საკონკურსო-საატესტაციო კომისიის თავმჯდომარის მოადგილის პოსტი უკვე  დატოვა.