სამტრედიის ცენტრალურ ბაზარის მიმდებარე ტერიტორიაზე  დასაქმებული ნანული ადეიშვილის მრავალწევრიანი ოჯახის ერთადერთი შემოსავალი ტკბილეულით ვაჭრობაა.

ადეიშვილების ოჯახი, რომლის ერთადერთი მამაკაცი ლოგინად არის ჩავარდნილი, მხოლოდ ქალბატონი ნანულის მიერ გაყიდული მზესუმზირის და "სიმინდის ბურბუშელას"  იმედად არის. ადეიშვილები არც სოციალურად დაუცველის სტატუსით სარგებლობენ.  როგორც ოჯახის მარჩენალი ქალბატონი ამბობს, სოციალურმა აგენტმა მას მაღალი ქულა მიანიჭა მათ ოჯახში არსებული ერთადერთი ტექნიკის - ტელევიზორის გამო, რომელიც მის შვილიშვილებს მამაომ აჩუქა.