ქუთაისის საკრებულოს „ნაციონალი" დეპუტატი გია გოქაძე საკრებულოს თავმჯდომარესა და რამდენიმე დეპუტატს ქუთაისში არსებული ქონების უკანონოდ გასხვისებაში ადანაშაულებს. მისი თქმით, მარგველაშვილი ფრაქცია „პატრიოტებისა" და ფრაქცია „ქართული ოცნების" თავმჯდომარეებთან ერთად უკანონოდ ფლობს უძრავ ქონებას.
„მარგველაშვილი, ნემსიწვერიძე და მღვდელაძე, ეს სამი ადამიანი იღებს გადაწყვეტილებებს ქუთაისის საკრებულოში და მე არ გამოვრიცხავ, რომ სწორედ მათ გადაეცათ ბოლო დროს გასხვისებული 4 მიწის ნაკვეთი. გარდა ამისა, 25 და 30 წლიანი იაჯრით ხდება მიწის ნაკვეთების პრივატიზება ძალიან დაბალ ფასებში და ამაზე არავინ რაგირებს",–ამბობს გოქაძე.
დეპუტატმა ასევე ისაუბრა ქუთაისის მერის პოსტზე შოთა მურღულიას შესაძლო დანიშვნასთან დაკავშირებით და განაცხადა, რომ ქუთაისში თბილისელი კადრები არ უნდა ინიშნებოდნენ.