ორიოდე დღის წინ ქუთაისში თეთრ ხიდზე მოსეირნენი უჩვეულო ფაქტს შეესწრებოდით. ჩოხებში გამოწყობილი ქუთათურები საქართველოს, მეგობრობის და სიყვარულის სადღეგრძელოს რიონის თეთრი ქვებიდან ამბობდნენ. „გადავწყვიტეთ, გასული საუკუნის ტრადიცია გაგვეცოცხლებინა, ამიტომ მეგობრებმა თეთრ ქვებზე გავშალეთ სუფრა, რომელიც სულ რაღაც 12 ლიტრი ლექსით, ტონა მეგობრობით და უზღვავი სიყვარულით არის სავსე. ეს ისტორიული ადგილია და აქედან სულ სხვა ქუთაისი ჩანს. ჩვენ დღეს ისტორია გავაცოცხლეთ, რიონიც როგორი მშვიდია და სიოც კი არ იძვრის, ესაა ქუთაისის სული,“ - აღნიშნეს თეთრ ქვებზე შეკრებილებმა.

სადღეგრძელოები, ლექსები და ქართული ჰანგები ერთმანეთს ენაცვლებოდა, ეს ყველაფერი კი 21-ე საუკუნეში ჩოხოსნების საქართველოს აცოცხლებდა. ადგილობრივების განცხადებით, გასული საუკუნის 80-ანი წლების შემდეგ რიონის თეთრი ქვებიდან საქართველოსთვის აღარავის უმღერია...