ზესტაფონში საქარის საცდელი სადგურის ტერიტორიიდან ღვინოების შესაძლო გატანის ფაქტი კვლავ აქტუალური გახდა. გავრცელებული ინფორმაციით, შპს "აგრომეტის" დაქვემდებარებაში მყოფი საცავიდან 17 000 ბოთლის გატანა ღამით იგეგმებოდა. რის გამოც მოსახლეობა მთელი ღამის განმავლობაში საქარის საცდელი სადგურის ტერიტორიაზე იყო შეკრებილი. ღვონოების შესაძლო გატანის გამო ზესტაფონში აქცია ამ წუთებშიც გრძელდება.
.ზესტაფონის „ქართული ოცნების" რაიონული ორგანიზაციის თავმჯდომარის დავით მაღრაძის განცხადებით, უნიკალური ღვინოები ქართველი ხალხის საკუთრებაა და ის ზესტაფონში უნდა დარჩეს.
ზესტაფონელები კი აღნიშნავენ, რომ ტერიტორია კახა ბენდუქიძემ მინიმალურ ფასად - 6500 ლარად იყიდა.