სამი საათის შედეგებით, საპრეზიდენტო არჩევნებში ქუთაისში დარეგისტრირებულთა მხოლოდ 26, 85%-მა მიიღო მონაწილება. ქალაქის 127 უბანზე ხმა 26 684-მა ამომრჩეველმა მისცა.
როგორც საოლქო სააჩევნო კომისიაში ამბობენ, აქტივობა ამ დროისთვის არც ისე მაღალია.
ბოლო ორ საათში საოლქო კომისიაში კიდევ ორი საჩივარი შევიდა. ამ დროისთვის, პროცედურულ დარღვევებზე საოლქოში სულ 5 საჩივარია დაწერილი.
საოლქო საარჩევნო კომისიის თავმჯდომარე ავთანდილ ოსეფაიშვილი ბურჯანაძის ქუთაისის შტაბის მიერ გავრცელებულ ინფორმაციას კარუსელის დაფიქსირების შესახებ არ ადასტურებს და ამბობს, რომ მსგავსი საჩივარი კომისიაში არ შესულა.