ზვიად გამსახურდიას პირველ შესახვევში, სკოლა „მერმისში“ განთავსებულ 60-ე სარჩევნო უბანზე ხმა მისცა საპარლამენტო უმცირესობის წევრმა გიორგი თევდორაძემ. მისი განცხადებით, ამ დროისათვის მნიშნვნელოვანი დარღვევები არ ფიქსირდება.
„გულწრფელად უნდა ვაღიაროთ, რომ არჩევნები ამ დროისათვის მშვიდ გარემოში ტარდება, გარდა უმნიშვნელო დარღვევებისა, ადგილი არ ჰქონია რაიმე ექსცესებს, რომელთაც სიღრმისეულად ნამდვილად ვერ ჩავუღრმავდებით. რაც შეეხება ჩემს არჩევანს – მე ხმა მივეცი იმ კანდიდატს, რომელიც არის გარანტი პარლამენტის ქუთაისში დარჩენის და ქვეყნის განვითარების.“