ქუთაისის საქალაქო სასამართლოში ვანო მერაბიშვილის პროცესზე ბრალდების მხარის ორი მოწმე დაიკითხა. მოწმეებმა დაადასტურეს, რომ ისინი დასაქმების პროგრამაში უშუალოდ მონაწილეობდნენ. მოწმეთა თქმით, მათ მოსახლეობის აღწერის ფარგლებში შესრულებული სამუშაოს დამადასტურებელი დოკუმენტაციაც გააჩნიათ.
ყოფილი პრემიერის ვანო მერაბიშვილის ადვოკატის გიორგი ჩივიაშვილის თქმით, დღევანდელ სასამართლო პროცესზე 8 მოწმის დაკითხვა იგეგმება.
პროცესს ესწრება ვანო მერაბიშვილი, რომელიც წინა ორ სხდომაზე არ გამოცხადდა. პირველ შემთხვევაში მერაბიშვილმა პროცესზე დასწრებაზე უარი პროტესტის ნიშნად განაცხადა. მისი თქმით, დასაკითხ მოწმეთა ვინაობა წინასწარ არ იყო ცნობილი. წინა კვირას კი ყოფილმა პრემიერმა ქუთაისში ჩამოსვლა ჯანმრთელობის გაუარესების გამო ვერ შეძლო.
ამ წუთებში სხდომათა დარბაზში შესვენება გამოცხადდა. საქმეზე მოწმეთა დაკითხვა პროცესის განახლების შემდეგ გაგრძელდება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი