დღეს ქუთაისში ნინო ბურჯანაძე ამომრჩეველს 17 საათისთვის შეხვდება. მესხიშვილის თეატრის მიმდებარე ტერიტორიაზე ამჟამად სცენის დამონტაჟება მიმდინარეობს. ჯერჯერობით გზები გადაკეტილი არ არის. სავარაუდოდ, ქალაქის მოედანზე გზის გადაკეტვა მას შემდეგ მოხდება, როცა ამომრჩეველი შეკრებას დაიწყებს. შესაბამისი ნებართვა საარჩევნო შტაბს ქუთაისის მერიისგან აღებული აქვს.