ამერიკის ინჟინერიისა და ტექნოლოგიების სააკრედიტაციო საბჭოს ფონდის (ABET Foundation) ექსპერტები, ათასწლეულის გამოწვევის ფონდი - საქართველოს პროექტის ფარგლებში, საქართველოში კვლევას ჩაატარებენ.
ექსპერტები შეისწავლიან სახელმწიფო უმაღლესი საგანმანათლებლო დაწესებულებების პროგრამულ, სამეცნიერო და ინფრასტრუქტურულ მდგომარეობას და საბუნებისმეტყველო და საინჟინრო პროგრამების საერთაშორისო ABET-აკრედიტაციის სტანდარტებთან შესაბამისობას განსაზღვრავენ.
ფონდის წარმომადგენლები საქართველოში ვიზიტის დროს, კვლევებთან ერთად, თემატურ სემინარებსაც ჩაატარებენ. 15 ოქტომბერს სემინარი ჩატარდა ქუთაისის სახელმწიფო უნივერსიტეტში, 19 ოქტომბერს - თბილისის სახელმწიფო უნივერსიტეტში, 25 ოქტომბერს დაგეგმილია ილიას სახელმწიფო უნივერსიტეტში, 29 ოქტომბერს - საქართველოს ტექნიკურ უნივერსიტეტში.
ცნობისთვის, ABET წარმოადგენს აშშ-ს არასამთავრობო ორგანიზაციას, ხოლო აღნიშნული პროექტი ხორციელდება ათასწლეულის გამოწვევის კორპორაციის (MCC) მეორე კომპაქტის (Compact) უმაღლესი განათლების კომპონენტის ფარგლებში. მიმდინარე წლის ივლისში MCC-მ საქართველოს $140 მილიონი გამოუყო.