სოფელ დვანში საოკუპაციო ზოლის გადმოწევას ჟურნალისტები გააპროტესტებენ. სხვადასხვა მედიასაშუალების წარმომადგენელთა ნაწილი დვანისკენ უკვე მიემართება. ქუთაისელი ჟურნალისტები კი მცოცავ ოკუპაციას პროტესტს ქუთაისში, პრესის სახლის წინ, დღის 2 საათზე გამოუცხადებენ.
„არა მცოცავ ოკუპაციას"– ქართველი ჟურნალისტების საპროტესტო აქცია ამ სლოგანით გაიმართება. სოფელ დვანში ე.წ. საოკუპაციო ზოლის მესაზღვრეებმა, მავთულხლართების გაბმა და არაოკუპირებულ ტერიტორიაზე საზღვრის გადმოწევის პროცესი რამდენიმე დღის წინ გაანახლეს. მომხდარს გმობს საქართველოს ხელისუფლება და მცოცავი ოკუპაციის შესაჩერებლად დიპლომატიური კავშირების გამოყენებას აპირებს.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი