„საპრეზიდენტო არჩევნების წინასაარჩევნო გარემო, რა თქმა უნდა, უფრო თავისუფალია შიშისაგან ვიდრე ეს იყო ერთი წლის წინ."-აცხადებს „დემოკრატიული მოძრაობა - ერთიანი საქართველოს" თავმჯდომარე, პრეზიდენტობის კანდიდატი, ნინო ბურჯანაძე ევროსაბჭოს წარმომადგენლებთან შეხვედრის დასრულებისას.
თუმცა, ბურჯანაძე თვლის, რომ მისი კანდიდტურა დისკრიმინაციულ მდგომარეობაშია.
„სამართლიანობა საბოლოოდ ნამდვილად არ აღმდგარა, იმ თვალსაზრისით, რომ წინასაარჩევნო გარემოში კანდიდატებს არ აქვთ თანაბარი პირობები. მე ვარ ჩაყენებული დისკრიმინაციულ მდგომარეობაში, როდესაც „ქართული ოცნების" და „ნაციონალური მოძრაობის" კანდიდატებს აქვთ ძალიან ბევრი პრივილეგიები. მათ შორის თავისუფალი საეთერო და სარეკლამო დრო. ხოლო მე ამის საშულება და ამის უფლება არ მაქვს. „- აღნიშნავს საპრეზიდენტო კანდიდტი.