გავრცელდა ინფორმაცია, რომ სტუდენტური საპროტესტო აქციების ორგანიზატორი, უფლებადამცველი დაჩი ცაგურია სამართალდამცავებმა დააკავეს. როგორც "თავისუფალი საქართველოს" წევრი ჯაბა ჯიშკარიანი აცხადებს, დაჩი ცაგურია, მეგობართან - ბექა ალადაშვილთან ერთად, საკუთარი საცხოვრებელი სახლიდან ელბაქიძის დაღამრთზე მიდიოდა, როდესაც მას 4 მანქანა გადაეღობა და გაიტაცეს გაურკვეველი მიმართულებით.
"სავარაუდოდ, მას პოლიციისთვის წინააღმდეგობის გაწევის მუხლით წაუყენებენ ბრალს, გუშინ იუსტისციის სახლთან პოლიციასა და აქციის მონაწილეებს შორის მომხდარი მოვლენების დროს. როგორც წესი, ჩვენ როცა გვაკავებენ ხოლმე, 4 საათის განმავლობაში არ გვაჩვენებენ არავის და მიმდინარეობს ზეწოლა, რომ მოვაწეროთ ხელი ოქმს. სავარაუდოდ, დაჩის 4 საათის შემდეგ გამოაჩენენ სასამართლოში," - აცხადებს ჯაბა ჯიშკარიანი.