საქართველოს საკალათბურთო ნაკრებმა ბელორუსიის გუნდს ურთულეს ბრძოლაში ორი ქულით მოუგო და A-დივიზიონში გადავიდა, სადაც ევროპის უძლიერეს გუნდებთან მოუწევს თამაში. ქართველი კალათბურთელების თქმით, ამ გამარჯვებაში უდიდესი წვლილი გულშემატკივრებს მიუძღვით, რომლებიც თამაშის ბოლომდე დაუღალავად გულშემატკივრობდნენ თავის გუნდს. ბილეთები თამაშამდე რამდენიმე დღით ადრე გაიყიდა და ათასობით გულშემატკივარმა ვერ მოახერხა მატჩის ტრიბუნიდან ყურება. თამაშს ესწრებოდა საქართველოს პრეზიდენტი მეუღლესთან ერთად. თბილისის მერმა, გიგი უგულავამ კი, თამაშის ბოლოს ნაკრებს ქალაქის ბიუჯეტიდან 100 000 ლარი აჩუქა.