23 მარტს, 5 საათზე, საპატრიარქოსთან არსებულ ახალგაზრდობის სულიერი და ინტელექტუალური განვითარების ცენტრში გაიხსნება ქუთაისელი მხატვრის, ოთარ ქანდარიას ნამუშევრების პერსონალური გამოფენა.
როგორც მხატვრის მეუღლემ, ქალბატონმა მანანა ლარცულიანმა ჩვენთან საუბარში განაცხადა, გამოფენა 2 დღეს გასტანს და აქ წარმოდგენილი იქნება ოთარ ქანდარიას სიცოცხლის ბოლო წლებში შექმნილი 50-მდე მხატვრული ტილო.