მაღალი ხარისხის უზრუნველმყოფი განათლების სისტემის ჩამოსა- ყალიბებლად, მომდევნო 4 წლის განმავლობაში, მთავრობა ამ სფეროში სისტემური ცვლილებების განხორციელებას გეგმავს.

სკოლამდელი აღზრდისა და განათლების დაწესებულებების ეფექტიანი ფუნქციონირების უზრუნველყოფა მუნიციპალიტეტის ერთ-ერთი საკუთარი უფლებამოსილება და პრიორიტეტია.  საჩხერეში ფუნქციონირებს 20 მუნიციპალური საბავშვო ბაღი, მათგან 4 - ქ. საჩხერეში, ხოლო 16 - სოფლად.

2013 წლის შემდეგ საქართველოს მასშტაბით საბავშვო ბაღები გახდა უფასო. მნიშვნელოვნად გაიზარდა საჩხერეში ადრეული და სკოლამდელი აღზრდისა და განათლების დაწესებულებების დაფინანსება: თუ 2013 წელს განათლების სფეროს ხარჯები 855,8 ათასი ლარით განისაზღვრა, 2017 წელს შესაბამისმა ხარჯებმა 2-ჯერ მეტი - 1 მლნ 800 ათასი ლარი შეადგინა. 2014-2016         წლებში მუნიციპალიტეტში განხორციელდა 7 საბავშვო ბაღის მშენებლობა:  გორისის (87,6 ათასი ლარი), ჭალოვანის (90 ათასი ლარი), ორღულის (91,4 ათასი ლარი), ქორეთის (97 ათასი ლარი), კორბოულის (90 ათასი ლარი), მეჯვრისხევისა (272,6 ათასი ლარი ) და ცხამის (173,4 ათასი ლარი). მუნიციპალიტეტის საბავშვო ბაღებში კვების თანხა თითოეულ აღსაზრდელზე  0,9-დან 1,7  ლარამდე გაიზარდა. ამით მნიშვნელოვნად გაფართოვდა და სრულფასოვანი გახდა ბავშვების კვების რაციონი. სასკოლო მზაობის პროგრამა დანერგილია 12 საბავშვო ბაღის 12 ჯგუფში. საჩხერის მუნიციპალიტეტის საბავშვო ბაღებში დასაქმებულია 50 აღმზრდელ-პედაგოგი. მათგან 16 - სასკოლო მზაობის ჯგუფებში.

რაც შეეხება ზოგად განათლებას, მუნიციპალიტეტში ფუნქციონირებს 32 საჯარო სკოლა (ქალაქში - 3, სოფლად - 29), სკოლებში მოსწავლეთა რაოდენობა 5108-ია, ხოლო მასწავლებლების - 843. მულტიდისციპლინური გუნდის მიერ 2017 წლის მაისის თვის მდგომარეობით იდენტიფიცირებულია 71 სსსმ  მოსწავლე. მუნიციპალიტეტის 3 საჯარო სკოლაში საზოგადოებრივ წესრიგსა და უსაფრთხოებას 6 მანდატური იცავს. 2015-2017 წლებში,  პროგრამით „ბავშვთა მიმართ ძალადობა - გადამისამართების პროცედურები ბავშთა დაცვის საჭიროების შემთხვევებში“,  საქართველოს მასშტაბით ყველა  მანდატური გადამზადდა, ხოლო იმ სკოლებში, სადაც მანდატურები არ არიან,  გადამზადა რეფერირებაზე პასუხისმგებელი პირი (დირექტორი/დირექტორის მოადგილე).

ზოგადი განათლების სფეროში საქართველოს განათლებისა და მეცნიერების სამინისტროს მიერ განხორცილებული პროგრამების  ფარგლებში: „საზაფხულო სკოლების პროგრამის“ ფარგლებში საჩხერის მუნიციპალიტეტიდან მონაწილეობა მიიღო 9 მოსწავლემ; „საგანმანათლებლო ექსკურსიებისა და განათლების ხელშეწყობის ქვეპროგრამის ფარგლებში“ 2013-2014 წლებში საჩხერის მუნიციპალიტეტიდან მონაწილეობა მიიღო 50-მა მოსწავლემ; „წარჩინებულ მოსწავლეთა მედლების ქვეპროგრამის”  ფარგლებში 2013-2016 წლებში  საჩხერის მუნიციპალიტეტიდან გამოვლინდა 85 ოქროსა და 51 ვერცხლის მედალოსანი; განათლებისა და მეცნიერების სამინისტროს მიერ ორგანიზებულ სასკოლო კონკურსებში გამარჯვებულია 25 მოსწავლე; „ეროვნული სასწავლო ოლიმპიადების ქვეპროგრამის“ ფარგლებში მონაწილეობა მიიღო 7-მა მოსწავლემ; ,,საჯარო  სკოლის ტრანსპორტით უზრუნველყოფის პროგრამაში’’ ჩართულია საჩხერის მუნიციპალიტეტის 32 საჯარო სკოლა (111 მიმართულება), პროგრამით სარგებლობს  1536 მოსწავლე; ექიმის კაბინეტი ფუნქციონირებს მუნიციპალიტეტის 5 საჯარო სკოლაში.

ზოგადსაგანმანათლებლო სკოლების ინფრასტრუქტურის განვითარების პროგრამის ფარგლებში 2013 წელს ნაწილობრივი რეაბილიტაცია ჩაუტარდა  4 საჯარო სკოლას (პერევის - დარყის დაწყებითი, მახათაურის - ბახიოთის დაწყებითი, ცხომარეთისა და ჯრიის), რაზეც სულ 177 ათასი ლარი დაიხარჯა; 2014 წელს ნაწილობრივი რეაბილიტაცია ჩაუტარდა 8  საჯარო სკოლას  (კორბოულის №2,  პერევის, ჭალის, საჩხერის №2, სარეკის, კორბოულის სისვაძეების უბნის, ჩიხისა და სხვიტორის საჯარო სკოლები),  რაზეც სულ 237 ათასი ლარი დაიხარჯა; 2015 წელს განხორციელდა 6 საჯარო სკოლის ნაწილობრივი რეაბილიტაცია (ორღულის,  ჭორვილის, მახათაურის საჯარო სკოლასთან შერწყმული ბახიოთის, მოძვის, კორბოულის №2 და სხვიტორის), 2 საჯარო სკოლის სამედიცინო ოთახის მოწყობა (ჭალის და გორისას) და საჩხერის საგანამანათლებლო რესურსცენტრის რეაბილიტაცია, რაზეც სულ 172,4 ათასი ლარი დაიხარჯა; 2016 წელს განხორციელდა 3 საჯარო სკოლის ნაწილობრივი რეაბილიტაცია (მახათაურის, კორბოულის N1 და ჭალის), 2 საჯარო სკოლის სამედიცინო ოთახის მოწყობა (საჩხერის №1 და კორბოულის №2), რაზეც სულ 18,9 ათასი ლარი დაიხარჯა.

მომდევნო 4 წლის განმავლობაში განხორციელდება სისტემური ცვლილებები ყველასთვის ხელმისაწვდომი და მაღალი ხარისხის უზრუნველმყოფი ადრეული და სკოლამდელი აღზრდისა და განათლების სისტემის ჩამოსაყალიბებლად, ხელი შეეწყობა ხელმისაწვდომობის ზრდას ხარისხიან ზოგად, პროფესიულ და უმაღლეს განათლებაზე:

- საჯარო დაწესებულებებში ადრეული და სკოლამდელი განათლება დარჩება უფასო;

- გაიზრდება მუნიციპალიტეტის მხრიდან ადრეული და სკოლამდელი აღზრდისა და განათლების დაფინანსება;

- მუნიციპალიტეტის სოციალურ-ეკონომიკური განვითარების სტრატეგიის შესაბამისად შემუშავდება და დამტკიცდება სამოქმედო გეგმა ხარისხიანი და საყოველთაოდ ხელმისაწვდომი ადრეული და სკოლამდელი აღზრდისა და განათლების უზრუნველსაყოფად;

- გაგრძელდება სასკოლო მზაობის ჯგუფების ფუნქციონირება და ყველასთვის ხელმისაწვდომი სასკოლო მზაობის ეფექტიანი პროგრამების განხორციელება;

- 2017 წელს განხორციელდება სხვიტორის, საირხისა და საჩხერის აკაკი წერეთლის სახელობის საბავშვო ბაღების რეაბილიტაცია, სულ ღირებულება - 140 ათასი ლარი.

- გაგრძელდება საბავშვო ბაღების მშენებლობა-რეაბილიტაცია, განხორციელდება არგვეთის, ნიგვზნარას, კორბოულის (სისვაძეების უბანში) საბავშვო ბაღების მშენებლობა, ჭალაში საბავშვო ბაღის შენობის რეაბილიტაცია, საირხის, სარეკის, სხვიტორისა და საჩხერის აკ. წერეთლის სახელობის საბავშვო ბაღების რეაბილიტაცია,  მერჯევის ყოფილი საბავშვო ბაღის შენობის რეაბილიტაცია. საჭიროების შემთხვევაში უზრუნველყოფილი იქნება აღსაზრდელთა ტრანსპორტით მომსახურება;

- გაგრძელდება მუნიციპალიტეტის საჯარო სკოლების ყველა კლასის მოსწავლეების, კერძო სკოლის სიღარიბის ზღვარს ქვემოთ მყოფი ოჯახებისა და მინისტრის ბრძანებით განსაზღვრული სხვა კატეგორიების მოსწავლეების სასკოლო სახელმძღვანელოებით უზრუნველყოფა;

- გაგრძელდება მუნიციპალიტეტში არსებული სკოლების მშენებლობა-რეაბილიტაციის პროექტები, მათ შორის განხორციელდება 5 საჯარო სკოლის ნაწილობრივი რეაბილიტაცია (არგვეთის, ჭალის, მოძვის, ჭორვილის და კორბოულის №2), 2 საჯარო სკოლის სამედიცინო ოთახის მოწყობა (კორბოულის №2 და საჩხერის №1),  კორბოულის №1 (შერწყმული კაპანაძეების, დაწყებითი) და სარეკის (შერწყმული ბაჯითის სკოლა) მცირეკონტიგენტიანი საჯარო სკოლების პროექტირება/მშენებლობა;

- უზრუნველყოფილი იქნება მუნიციპალიტეტში არსებული საჯარო სკოლების მოსწავლეების, მასწავლებლებისა და ადმინისტრაციული პერსონალის მონაწილეობა/ჩართულობა სამინისტროს მიერ განხორციელებულ პროგრამებში, მათ შორის - ტრენინგკურსებში;

- გაგრძელდება მუნიციპალიტეტში განათლების ადმინისტრირების სფეროში მომუშავე თანამშრომელთა პროფესიული განვითარების ხელშემწყობი ღონისძიებების განხორციელება.