საქართველოს საგანმანათლებლო სივრცეში სასწავლო პროგრამა „მეწარმეობის საფუძვლები“ ინოვაციურია. პროგრამის მიზანია, მოსწავლეებს გამოუმუშაოს მეწარმეობის პრაქტიკული უნარ-ჩვევები, გააცნოს მათ ბიზნესისა და ეკონომიკის საფუძვლები პრაქტიკაში. დაანახოს თავისუფალი მეწარმეობის ღირსებები, გაუჩინოს პროფესიონალად ჩამოყალიბების სურვილი და აქციოს ისინი თავისუფალ მოქალაქეებად დემოკრატიულ საბაზრო ეკონომიკის საქართველოში.
პროგრამის პრინციპებია : კეთილსინდისიერება, პიროვნების პატივისცემა, პირადი განვითარება, მეწარმეობის სულისკვეთება, გუნდური მუშაობა და ლიდერობა.
ზემო აღნიშნულიდან გამომდინარე, ქუთაისის მე-7 საჯარო სკოლის მე-10/1 კლასში შედგა აქციონერთა საბჭო. მოეწყო პრეზენტაცია.მიზნად დავისახეთ კომპანიის შექმნა. შეიქმნა მინი კომპანია „დეა“. პრეზიდენტი გვანცა ბაბუნაშვილი, ფინანსური მენეჯერი - ნინო ბაშალეიშვილი, ადმინისტრაციის მანეჯერი - საბა კაცაძე, მარკეტინგის მენეჯერი -ნიკა ჭოხონელიძე, წარმოების მენეჯერი - გიორგი შავგულიძე, გაყიდვების მენეჯერი - მარი ნამიჭეიშვილი.
მოსწავლეებმა მასწავლებლის,მედეა მუხაშავრიას დახმარებით შეადგინეს ბიზნეს გეგმა. ბავშვები დაიყო ჯგუფებად. მიიღეს გადაწყვეტილება, შეექმნათ პროდუქცია (ყელსაბამები, სამაჯურები, საყურეები). პროდუქციის შექმნის შემდეგ გააკეთეს რეკლამა მთელ სკოლაში. მოეწყო გამოფენა-გაყიდვა, რომელშიც მონაწილეობა მიიღეს როგორც მოსწავლეებმა,ისე - მასწავლებლებმა.
როგორც ველოდით, კომპანია საკმაოდ წარმატებული აღმოჩნდა. შესაბამისად, წარმატება მოიპოვეს აქციონერებმაც. ჩადებული თანხა გაუორმაგდათ. კომპანიის მიზანიც ეს იყო - „ნაკლები დანახარჯი - მეტი მოგება“.
მინი კომპანიის ჩამოყალიბებამ მოსწავლეებს ცხოვრებისეული გამოცდილება მისცა, ასწავლა გუნდური მუშაობა. გუნდში ყველაფერი ნდობისა და პასუხისმგებლობის გრძნობაზე იყო დამყარებული. გუნდის წევრები დამეგობრდნენ, ითვალისწინებდნენ ერთმანეთის აზრს, ჩამოუყალიბდათ მეწარმეობის პრაქტიკული უნარ-ჩვევები, გაეცნენ ეკონომიკის საფუძვლებს და რაც მთავარია, გაუჩნდათ პროფესიონალად ჩამოყალიბების სურვილი.